FervenzasLiterarias

O Café Moderno (Pza. de San Xosé, 3) de Pontevedra acolle o II Outlet do Libro Galego entre o 21 e o 29 de xullo. O evento está organizado pola Asociación Galega de Editores (AGE) e conta co respaldo do Concello pontevedrés e de dúas librerías da cidade.

A iniciativa encrávase dentro da estratexia de promoción e visibilidade dos libros galegos, consistente na organización de espazos singulares de venda de libros a prezos de crise. A actividade representa tamén unha segunda oportunidade para títulos e autores que foron reemprazados polas novidades editoriais e que xa non forman parte dos escaparates e andeis das librerías do país.